«Інклюзіўны музей. Шляхі ўзаемадзеяння»
31.05.2023
З прывітальным словам да прысутных звярнулася кансультант упраўлення культуры і народнай творчасці Міністэрства культуры Рэспублікі Беларусь Надзея Аўдзей.
– Сёння мы абмяркоўваем адну з важных тэм для развіцця музеяў, – адзначыла Надзея Віктараўна. – Музей – гэта тое месца, якое можа наведаць кожны, у тым ліку і людзі з інваліднасцю, і шэраг устаноў плённа працуюць ў дадзеным напрамку. Адна з асноўных мэт нашай сустрэчы – выпрацаваць адзіную сістэму, па якой будуць развівацца музеі з інклюзіяй.
Вітала гасцей Случчыны начальнік аддзела ідэалагічнай работы, культуры і па справах моладзі Слуцкага райвыканкама Алена Рахманава. Яна расказала пра Слуцкі раён, эканоміку, адукацыю, аб’екты культуры. Пажадала ўдзельнікам семінара цікава і плённа правесці час у культурнай сталіцы 2023 года, творчага ўздыму.
Дырэктар Нацыянальнага гістарычнага музея Рэспублікі Беларусь Аляксандр Храмы адзначыў, што для семінара невыпадкова выбралі менавіта тэму інклюзіі.
– У нашай краіне нямала людзей, якія маюць пэўныя абмежаванні па здароў’і, але гэта не павінна стаць перашкодай для паўнавартаснага жыцця, у тым ліку ў культурным напрамку, – адзначыў Аляксандр Васільевіч.
Падчас семінара ўдзельнікі дзяліліся вопытам работы па арганізацыі і ажыццяўленні інклюзіўных праектаў музеяў.
У рамках мерапрыемства ў галерэі мастацтваў імя У.С. Садзіна разгорнута інклюзіўная выстаўка «Уключыся ў музей» Нацыянальнага гістарычнага музея Рэспублікі Беларусь.
Ірына ШАБАШАВА.
К списку записей раздела
© Слуцкий край, 2017 – 2023
Полная перепечатка материалов и фотографий без письменного согласия главного редактора «Слуцкого края» запрещена. Частичное цитирование разрешено при наличии прямой активной ссылки на источник.